ATA SETEMBRO!

O curso académico 2019/20 chega á súa fin. Todos/as recordamos cando comezamos no mes de setembro e xa estamos rematando xuño. Que rápido pasa o tempo! 

Este curso foi un pouco raro, xa que no mes de marzo tivemos que cambiar as clases presenciais, polas clases a distancia, algo que nunca antes viviramos. A pesar dos momentos difices polos que pasamos, quero felicitarvos polo voso traballo e esforzo, tanto ao alumnado como ás súas familias.

Aquí vos deixo un vídeo para recordar os momentos que vivimos xuntos/as, durante este curso:

Por último, quero desexarvos que pasedes un moi bo verán e animarvos a que o aproveitedes ao máximo para vivir moitísimas experiencias, en compaña dos vosos familiares e amigos/as.

Unha aperta moi moi grande para todos/as e ata setembro; fostes uns alumnos e alumnas xeniais!

O CORPO HUMANO

Ola de novo!

Continuamos coa última semana de colexio deste curso. Nesta ocasión, como traballo semanal da área de Ciencias da Natureza e para repasar os contidos referentes ao corpo humano fixemos a seguinte tarefa integrada: a elaboración dun traballo sobre un aparato do corpo humano (aparato dixestivo, aparato circulatorio, aparato excretor, aparato locomotor...). Podía ser unha maqueta, un mural, un Lapbook, un xogo para colocar o nome de cada parte...

A continuación, podedes ver os resultados. Noraboa a todos/as; coñecer como funciona o noso corpo é moi importante para contribuír á nosa saúde!

AS CAPAS DA TERRA

Ola outra vez!

Continuamos cunha nova semana. Nesta ocasión, como traballo semanal da área de Ciencias Sociais e para repasar os contidos referentes ás capas da Terra: atmosfera, hidrosfera, biosfera e xeosfera; fixemos a seguinte tarefa integrada: a elaboración dun traballo no que se representen as capas da Terra. Podíanse incluir tamén as partes de cada unha delas: atmosfera (troposfera, estratosfera, mesosfera, termosfera, exosfera), xeosfera (codia, manto e núcleo)...; e elexir o formato (unha maqueta, un mural, un Lapbook...).

A continuación, podedes ver os resultados. Noraboa a todos/as, fixestes uns traballos estupendos!

A PIRÁMIDE DE ALIMENTACIÓN SAUDABLE

Ola de novo!

Continuamos cunha nova semana. Nesta ocasión, como traballo semanal da área de Ciencias da Natureza e para repasar os contidos referentes á saúde, á alimentación e á dieta fixemos a seguinte tarefa integrada: a elaboración dunha pirámide de alimentación saudable, na que situamos con que frecuencia debemos consumir cada clase de alimentos. Podía ser en formato mural, en tres dimensións, con forma de pirámide, con imaxes, con debuxos, con alimentos reais, con recortes de folletos ou revistas...

A continuación, podedes ver os resultados. Noraboa a todos/as; coidar a nosa saúde é imprescindible!