BO NADAL E FELIZ ANINOVO 2020 A TODOS/AS!

Chegou o Nadal ao CEIP Víctor Sáenz!

Como cada ano, participamos no concurso de postais de Nadal. Todas as postais eran fermosísimas, pero a gañadora na categoría de 3º e 4º foi a nosa compañeira Sara. Noraboa!

Por último, e como pecha deste 1º trimestre, participamos no Festival de Nadal do seguinte xeito: interpretamos a canción "O outono" nos instrumentos de placas e representamos a obra de teatro "O Nadal das Aves do Bosque".

A continuación, deixámosvos o enlace da canción e o vídeo da obra, para que poidades desfrutar de ámbalas dúas:

Canción "O outono" (intrumentos de placas)

Vídeo obra de teatro "O Nadal das Aves do Bosque":

Por último, o alumnado de 3º e 4º queremos desexarvos un moi bo Nadal e un feliz Aninovo 2020 a todos/as. A descanar e vémonos á volta!

ROCHAS E MINERAIS E RELEVO DE GALICIA

Dende a área de Ciencias Sociais e como tarefa integrada da última unidade do trimestre, o alumnado de 3º elaborou un crebacabezas do relevo de Galicia, para incorporar ao Recanto das Ciencias da aula.

Pola súa parte, o alumnado de 4º realizou unha investigación sobre unha rocha ou mineral, para despois facer tamén unha exposición oral na aula.

Tras isto, preparamos unha pequena exposición sobre rochas e minerais no corredor principal do centro, na que podedes ver a información recollida, así como mostras reais das rochas e minerais.

Ademais, grabamos tamén un especial sobre rochas e minerais para Radio Rosiña, coa axuda dos compañeiros/as de 3º.

Por último, recibimos unha visita moi especial! José, o avó do noso compañeiro Guillermo, traballou moitos anos nunha mina de wolframio. Visitou a aula para falarnos sobre o tema e mesmo trouxo unha mostra real deste mineral. Como non podía ser doutro xeito, aproveitamos para entrevistalo nun novo especial de rochas e minerais, para Radio Rosiña. Moitas grazas por todo José; aprendemos moito coa súa visita!

Pinchando no seguinte enlace, podedes escoitar os dous programas radiofónicos dos que vos acabamos de falar:

"Especial sobre rochas e minerais" e "Entrevista a José sobre o wolframio" para Radio Rosiña

OS SERES VIVOS

Ao longo deste 1º trimestre, dende a área de Ciencias da Natureza, estivemos a traballar sobre os seres vivos.

En primeiro lugar, realizamos un mural no que clasificamos varios seres vivos nos distintos grupos: animais, plantas, fungos, algas e protozoos e bacterias.

Así mesmo, cada alumno/a realizou unha pequena investigación sobre un animal e sobre unha planta, para posteriormente facer unha exposición oral na aula.

Tras isto, xuntamos todos os traballos nun dossier que titulamos "A enciclopedia dos seres vivos de 3º e 4º". No mes de xaneiro, este dossier comezará a viaxar polas casas do alumnado, para que poidades ler as cousiñas que nel escribimos. Ao fin desta viaxe, incluirémolo na nosa biblioteca de aula.

Por último, xogamos ao xogo "Quen é quen: seres vivos", no que tiñamos que adiviñar o ser vivo que nos tocara, facendo preguntas ao resto de compañeiros/as, ás cales eles/as só podían responder con "sí" ou "non". Pasámolo moi ben xogando e aprendendo!

A continuación, deixámosvos un vídeo que resume o traballo realizado.

                     

GALLETAS DE NADAL POR CORTESÍA DO CHEF ÁNGEL E DA SÚA FAMILIA

Hoxe o noso compañeiro Ángel trouxonos un agasallo moi especial: unhas riquísimas galletas de Nadal, que fixo coa súa familia.

Moitas grazas por compartilas con nós. Estaban boísimas!

CONMEMORACIÓN DA CONSTITUCIÓN E DO ESTATUTO DE AUTONOMÍA DE GALICIA 2019

Durante os primeiros días do mes de decembro, celebramos tamén a Conmemoración da Constitución e do Estatuto de Autonomía de Galicia.

Coñecimos os principais aspectos sobre o noso país e sobre a nosa comunidade autónoma que neles se recollen e elaboramos as súas bandeiras.

ANIVERSARIO DE BRAIS

Hoxe celebramos o aniversario do noso compañeiro Brais.

Moitas grazas por compartilo con nós. Agardamos que desfrutaras da celebración.

DÍA INTERNACIONAL DAS PERSOAS CON DISCAPACIDADE 2019

O 3 de decembro celebrouse o Día Internacional das Persoas con Discapacidade.

Esta é unha conmemoración moi importante, pois todos/as nós somos moi diversos e todos/as merecemos as mesmas oportunidades.

Con motivo desta conmemoración, nas últimas semanas, traballamos sobre a diversidade e a inclusión, recordando que no "ceo" de 3º e 4º todos os "paxariños" somos diferentes.

A continuación deixámosvos unha foto do mural que elaboramos, así como algúns dos vídeos que visionamos na aula:

                                       

3º E 4º DO CEIP VÍCTOR SÁENZ CONTRA A VIOLENCIA DE XÉNERO (2019)

Este luns celebrouse o Día Internacional Contra a Violencia de Xénero.

O alumnado de 3º e 4º do CEIP Víctor Sáenz queremos amosar a nosa repulsa a calquera tipo de violencia machista e o noso desexo dun mundo no que a igualdade de xénero sexa 100% real; e, para conseguir iso, debemos concienciarnos xa dende ben pequenos/as.

A continuación, deixámosvos parte do traballo realizado e algúns dos vídeos que visionamos na aula.

DÍA UNIVERSAL DA INFANCIA 2019

O pasado 20 de novembro foi o Día Universal da Infancia e os alumnos/as de 3º e 4º estivemos a traballar sobre os dereitos dos nenos/as.

Coñecemos tamén a historia de Ana Frank, unha nena xudía que, durante a Segunda Guerra Mundial, tivo que esconderse durante máis de dous anos, para escapar dos nazis. No seu escondite escribiu un diario e, coa súa publicación ao rematar a guerra, Ana e o seu diario fixéronse mundialmente coñecidos.

Entre todos/as, grabamos un vídeo no que explicamos a súa historia.

Agardamos que vos guste e que non haxa ningún neno/a no mundo ao que non se lle respeten os seus dereitos.

SAMAÍN 2019

Con motivo do Samaín, no noso colexio celebráronse dous concursos, que foron un éxito para nós: o "Concurso de Cabazas" e o "X Concurso de Relatos de Medo".

No "Concurso de Cabazas" tivemos dúas gañadoras: o 1º Premio foi para a nosa compañeira Soraya e o 3º Premio, para a nosa compañeira Martina.

Por outra banda, no "X Concurso de Relatos de Medo", o relato gañador na categoría de 3º e 4º foi "O moucho, a bruxa e as tres curuxas", escrito polo noso compañeiro Ángel.

A continuación, deixámosvos dous enlaces nos que podedes ver e escoitar os relatos gañadores nas diferentes categorías.

No noso caso, poderedes ver e escoitar o relato gañador, así como unha pequena entrevista ao autor.

Especiais Samaín para Radio Rosiña

Textos gañadores do "X Concurso de Relatos de Medo"

Noraboa a todos/as, rapaces!

A POBOACIÓN DE MAZARICOS

Nas últimas semanas, os alumnos e alumnas de 3º e 4º estivemos traballando a poboación dende a área de Ciencias Sociais e, como tarefa integrada da unidade, realizamos unha pequena investigación sobre a poboación do noso Concello, Mazaricos.

Para poder realizala, puxémonos en contacto co Concello, solicitándolles a información da última actualización do padrón municipal, quenes nos responderon con moita amabilidade e rapidez, polo que queremos darlles as grazas dende aquí.

Tras isto, realizamos un programa radiofónico para Radio Rosiña, que leva por título "A poboación de Mazaricos". Aquí vos deixamos o enlace para que poidades escoitalo:

Programa radiofónico "A poboación de Mazaricos" para Radio Rosiña

Ademais, elaboramos tamén un mural no que recollimos toda a información.

ANIVERSARIO DE MARTINA

Seguimos de celebración!


Esta mañá celebramos o aniversario da nosa compañeira Martina.


Moitas grazas por compartilo con nós e esperamos que fora un día xenial para ti!

ANIVERSARIO DE PAULA

Hoxe celebramos na aula de 3º e 4º o aniversario da nosa compañeira Paula.


Pasámolo xenial festexando todos/as xuntos.

Agardamos que o desfrutaras e que cumpras moitos moitos máis.

ENTREVISTA A ISMAEL (RADIO ROSIÑA)

Nas primeiras semanas, os nenos e nenas de 3º e 4º, realizamos a primeira visita do curso a Radio Rosiña, a radio escolar que temos no colexio, dentro do programa Radio na Biblio.

Aproveitamos esta ocasión para realizar unha "Entrevista Porquiña" a Ismael, o noso novo compañeiro.

Podedes escoitar a entrevista pinchando no seguinte enlace:

"Entrevista Porquiña" a Ismael

BENVIDOS/AS AO CURSO ACADÉMICO 2019/20!

Benvidos/as ao curso académico 2019/20.

Aquí vos presentamos ao alumnado de 3º e 4º de educación primaria deste ano.

A través deste blogue, os nenos/as destes cursos, amosaremos parte do noso traballo, para que poidades desfrutar del tanto coma nós.

Estade moi atentos/as, xa que moi pronto comezaremos a publicar as primeiras cousiñas.