Desde a área de Ciencias Sociais, estamos a estudar o tema da Historia, centrándonos principalmente nas idades da Prehistoria e da Idade Antiga.
Como tarefa integrada final, realizamos pinturas rupestres, que eran pinturas que os habitantes prehistóricos elaboraban nas paredes e nos teitos das covas.
Hai xa algunhas semanas, na área de Plástica, plantamos semillas de xirasois.
Día a día, fómolas coidando na aula, poñendo en práctica moitos dos contidos relacionados coas plantas, da área de Ciencias da Natureza.
Finalmente, chegou o momento no que as plantas acadaron un gran tamaño, polo que decidimos transplantalas no patio do colexio.
O 15 de maio celébrase o Día Internacional da Familia, unha conmemoración que pretende concienciar sobre o papel que ten a familia na educación e na formación dos nenos/as dende a primeira infancia, así como fomentar os lazos familiares e a unión familiar.
Ademais da importancia da familia, na aula falamos tamén dos diversos tipos de familias que existen e da importancia de respetar a todas elas.
As nosas familias son as persoas máis importantes para nós, polo que decidimos elaborar o seguinte agallaso: un marco, un debuxo da nosa familia e unha mensaxe, elaborados por nós.
Chegaron os Maios, unha festa tradicional galega para exaltar a natureza e celebrar a primavera.
Nesta ocasión, cada aula realizamos unha composición con elementos naturais que recollemos previamente coas nosas familias.
A continuación, podedes ver a que realizamos na aula de 3º e 4º:
